Viral Video : સમય પહેલા ટ્રેન પહોંચી જતાં મુસાફરોએ પ્લેટફોર્મ પર કર્યો ગરબા, રેલવે મંત્રીએ શેર કર્યો વીડિયો

Share Now

સમય ન્યૂઝ. રતલામ, મધ્યપ્રદેશ : એમપીના રતલામમાં મુસાફરોના ગરબાનો એક વીડિયો સામે આવ્યો છે. તમને જણાવી દઈએ કે, રતલામના રેલ્વે સ્ટેશનનો ગત રાત્રે એક વીડિયો જોરદાર વાયરલ થઈ રહ્યો છે. આ વીડિયોમાં રતલામ સ્ટેશનના પ્લેટફોર્મ મુસાફરો ગરબા કરતા જોવા મળે છે. રેલવે મંત્રીએ આ વીડિયો શેર કર્યો છે.

રેલ મંત્રીએ રતલામ સ્ટેશનનો વીડિયો ટ્વીટ કર્યો:

રેલવે મંત્રી અશ્વિની વૈષ્ણવે મધ્યપ્રદેશના રતલામ સ્ટેશનનો એક વીડિયો ટ્વીટ કર્યો છે, જેમાં મુસાફરો પ્લેટફોર્મ પર આનંદથી ગરબા કરતા જોવા મળે છે, રેલવે મંત્રી અશ્વિની વૈષ્ણવે આ વીડિયો સાથે ‘મજામા’ કેપ્શન આપ્યું છે. ગુજરાતી ભાષામાં આ શબ્દનો અર્થ ‘આનંદ’ થાય છે. લગભગ 25 સેકન્ડના આ વીડિયોમાં જણાવવામાં આવ્યું છે કે જ્યારે બાંદ્રા-હરિદ્વાર ટ્રેન સમય પહેલા રતલામ સ્ટેશન પર પહોંચી તો યાત્રીઓ આનંદથી ગરબા કરતા જોવા મળ્યા હતા. રેલ્વે મંત્રી અશ્વિની વૈષ્ણવના આ ટ્વીટને રેલ્વે મંત્રાલયે પણ રીટ્વીટ કર્યું છે.

मजामा!
Happy Journey 🚉 pic.twitter.com/ehsBQs65HW

— Ashwini Vaishnaw (@AshwiniVaishnaw) May 26, 2022

વૃદ્ધો, બાળકો, યુવાનો ગરબા દરમિયાન ડોલ્યા:

વાસ્તવમાં, આ મુસાફરો બાંદ્રા હરિદ્વાર ટ્રેન દ્વારા કેદારનાથ જઈ રહ્યા હતા, જ્યારે ટ્રેન 20 મિનિટ વહેલા રતલામ સ્ટેશન પર પહોંચી, આવી સ્થિતિમાં ગુજરાતના મુસાફરો રતલામ સ્ટેશન પર ઉતરી ગયા અને સ્ટેશન પ્લેટફોર્મ પર ગરબા કરવામાં સમય પસાર કરવા લાગ્યા. મનોરંજન પણ થયું . જ્યારે ટ્રેન અડધો કલાક ઊભી રહી ત્યારે મુસાફરોના ટોળાએ ગરબા કરીને કંટાળો દૂર કર્યો હતો. પ્લેટફોર્મ પર ગરબા દરમિયાન વૃદ્ધો, બાળકો, યુવાનો બધા જ ઝૂમી પડ્યા હતા. જે બાદ ટ્રેન રાત્રે 10.45 કલાકે આગળ જવા રવાના થઈ હતી.

તમને જણાવી દઈએ કે, બુધવારે રાત્રે મધ્યપ્રદેશના રતલામમાં આ રસપ્રદ કિસ્સો સામે આવ્યો છે. આ પહેલીવાર છે જ્યારે રેલવેમાં મુસાફરી દરમિયાન મુસાફરો સમય પહેલા ટ્રેન પ્લેટફોર્મ પર પહોંચીને ખુશી દર્શાવી રહ્યા છે. નહિંતર, લોકો રેલ્વે ટ્રેનની લેટ લેટન્સીથી પરેશાન છે.